Fresblogg

Tysdag har vore ein dag med mykje telefonisk kontakt og logistisk arbeid.

Mandag var den store scenedagen, då scenegolvet vart løfta opp på den spesialtilpassa ramma. Den store strongman-konkurransen vart vunne av Torjus, som løfta eit hjørne åleine. Til hjelp hadde vi traktoren og ein god dose kløkt.

Festivalmannemann Robert Borlaug kom seinare på kvelden og approberte løysinga. Det heile vart feira med eit hamburgarmåltid det kjem til å gå gjetord om i Fresvik i fleire veker.

 Fres ut for i kveld.

Som ei oppfølging av gårsdagens blogging: Kafeen i Fresvik er ein bortgøymd oase. Leiinga og festivalsveisar vart møtt med ein overstrøymande varme frå serveringspersonale, lokale bebuarar og feriegjester. Reidar møtte sjølvsagt opp, og vi kunne returnere til Skau med nytt pågangsmot og nye kjennskapar.

 I dag (søndag) har vi i hovudsak teke det med ro. Det var sett opp ein dugnad klokka fire, men ferieavviklinga i festivalleiinga gjorde at denne ikkje vart vidare effektiv.

Det rann av dag og av røv, laurdag 21. Juli i det Reidars år 2007, moglegheitene var mange og ansikta fleire. Leiinga hadde mykje og mangt å henga fingrane i, men øpst på programmet stod bygging av scena! Etter å ha blitt hooka opp monsterkubbe style, var håpet no på topp i leiinga. – Her skal det verte ei helsevesenets scene, sa PC, han hadde ting i fjes denne dagen.

Etter mykje vatring, snikring, saging banning et cetra kom da omsider på plass eit rammeverk ulikt noko anna rammeverk nokon gong bevitna av nokon person nokon plass. Etter det vart leiinga einige om å unngå ordet ”nokon”.

Etter ein hard dags jobb sette leiinga seg so ned og tok ein velfortent pilsner type lys. Dei fekk etterkvart besøk av ingeniør og all round good guy Robert Borlaug. Han mønstra på ein veltrent overkropp og ein heil del pils. So gjekk dei ut på byn i Fresvik. Leiinga har planar om å vanhelliga kviledagen vert det sagt…

Etter mykje intens design og tankeverksemd rundt den nye sceneløysinga, vart det grilling av hamburgarar. Før vi, på telex på systrond, fekk tips om Per på sagi. Vi tok høvesvis tidleg kontakt med den omtalte Per (type sagi). Det viste seg at han var meir villig enn [name deleted], kva sponsing angår, og etter ein lang køyretur fekk vi tilgang til eit slags paradis av plank.

Vel attende på Skau, vart det ein del saging og snikring. Motorisk, så vel som manuelt.

Etter gårsdagens reiseverksemd, har leiinga i dag haldt seg i Fresvik. Veret smilte til oss og fresvikjene, og vi fekk endeleg herja litt på uteområdet. Dagens store bragd var flyttinga av hovudscena. Med rå muskelkraft og litt hjelp frå traktoren drog vi scena vekk frå si opphavlege plassering, og kunne konstantere at den løynde tomgods frå fjorårets festival.

Vidare fekk vi montert eit nytt køyrety, ein AEBI AM15. Den kjem til å få ei sentral rolle dei neste vekene, og får den gjeve statusen som «årets festivalkøyrety».

Det vart også tid til eit nytt besøk hjå Fresvik produkt, der vi fekk med oss ein liten haug pallar. Då pallane var komne på plass, var det tid for eit god måltid kjøt.

Etter at kjøtet var innteke, var det til for sigg. Etter sigg var det tid for å testa meir ut dei nyinnkjøpte radiostyrte(!) flya som det vart gått til innkjøp av her hin dagen. Det gjekk bra til dårleg. Etter rekreasjon av slikt kaliber var det endeleg tid for å gjera litt av det leiinga likar mest; tungt fysisk arbeid. Leiinga gjekk so igang med å laga sjablongar til masseprodusering av Freslogoar, type stor. PC var aktiv i denne prosessen, resten av leiinga bidrog med gode vibbar og sympatisk pilsnerkonsumering.

Etter dette gjekk kveden vidare i generell metafysisk spekulering. Som god empirist forkasta Gunnar kausaliteten som sådan. Og alle var einige om at det hadde vore ein fin tur.