Dette er, etter undersøkingar gjennomført av IT-avdelinga og statistikkavdelinga på Fresn - høvesvis FresIt og FresSB, noko svært mange (77 i skrivande stund) lurar på. Ein poll er ei måling av kva folkesetnaden, i vårt fall representert ved festivaldeltakarar, meinar om foreliggande kasus, sak, hending etc. Dette gjer ein (og med ein
, meiner vi firma som til dømes Synovate MMI eller FresSB) ved å stilla eit spørsmål til eit utval av folkesetnaden (les festivaldeltakarar). Dette utvalet av folkesetnaden/festivalddeltakarane kallar ein gjerne ein sample
(for å få litt engelsk schwung over det). Kort og godt, ein poll skal måla kva folk meinar om det pollen har som mål å måla. Kva no det enn måtte være. Ein vil òg gjerne sleppe å gå rundt å spørja kvar jævla ein.
—Den fyrste poll eg høyra fekk, var mor sin poll ved vogga.
Øyvind V. Salte, statistisk ansvarleg, Fres Festival 2006
Den fyrste pollen i historia skal visstnok ha vorte gjennomført av avisa The Harrisburg Pennsylvanian i 1824, og skulle måle kven som vann preisdentvalet i USA det året. Det er neppe ei tilfeldigheit at den fyrste pollen nokon gong skulle handla om politikk. Det har nemleg fleire pollar gjort etter den. Pollane, som til å byrje med var mindre enn pålitelege, skulle etterkvart greie å måla kven som vart president i USA før valet var over. Det er kanskje av pubquizinteresse for nokon at han som starta med ein meir vitskapleg metode for sampling, ikkje den musikalske meininga av ordet, men utvelging av eit utval av folkesetnaden, heitte George Gallup...
Metode.Når ein skal gjennomføra ein poll, stiller ein som sagt eit spørsmål til folkesetnaden. Men for at ein skal sleppa å spørja alle om kva det måtte være spørsmal om, plukkar ein heller ut eit utval, ein sample, av folkesetnaden som skal represntera denne. Dette utvalet må difor stå i forhold til folkesetnaden den skal representera. Det prosentvise talet veganfiskarsamar t.d., må vera likt i utvalet som i folkesetnaden (eller - skilnader mellom fordelinga i utvalet og i folkesetnaden må vera tilfeldige, ikkje avhengige av utvalsmetodane). Heri finn ein òg det metodisk svakaste punktet i pollen si evne til nøyaktig prediksjon. Ting tyder nemleg på at det fins persontypar som set større pris på ein poll enn andre persontypar. Utvalet kan dermed verta mindre representativt for den folkesetnaden det skal representere, eit skeivt og tendensiøst utvalg, som det heiter, og pollen sin sanningsgehalt vil minka. Det kan også hefte reliabilitetsproblem ved ein poll dersom måleinstrumentet (hypotetisk sett eit php-script på ei internettside) tillet dei same brukarane å stemme fleire gonger.
Kjelde Wikipedia
Har du spørsmål som ikkje er besvarte her? Send ein mail til faq@fresn.com.